食野食著頭髮，我既習慣就係.....成碗唔要！豪呀呢！講笑咋各位，真係咁有錢咩！

我通常會撩條頭髮上尼，牛咁眼望清楚，有無染頭或者做highlight呀、焗油呀咁樣，可能追蹤到係邊個既，然後請番佢食.....

都係講笑咋各位，死味？！

其實遇上咁既情況睇下身處咩食肆啦，高級D就會換，大排檔就自己攪店囉~~~

相信各位細隻佬細隻婆都有留意到一個現象，大隻佬無論係春夏秋冬，都著好少衫，就算凍到鼻涕都變雪條，都著好少，點解呢？究竟係佢地好唔鍾意D布丫？還是買唔岩形狀既衫(佢地要既衫形係要一舊舊)？不過我相信係驚D衫會遮住D肌肉者，不如著---肌肉衫---咪得囉，保暖得黎又可露肉，露肉得黎又可防曬，一次過滿足幾個願望啦~~~ 

肥---係好食好住既港人icon，減肥---亦係港人slogan，不過係好食好住既環境中黎減肥係咪有D奇怪？有D困難咁呢各位？所以減肥其實勁簡單，唔好望自己喇，剩係望我個blog，剩係睇極品香港人，一路笑一路燒 (脂)，咁咪攪鬼店，食牛麵！囉~~ 

果次胃痛真係夠晒奪命，陰陰痛左3日，最慘又唔係勁痛，又比我返到工，但又痛唔停........

結果買西藥食啦，點知食左粒藥同食左粒飯係無分別既，都係佢有佢痛，我有我返工，真係Billie Jean個細老---囉黎賤........

所以大家有病就睇呀醫生，有藥就食，有針就打，有錢就比，有極品香港人就睇...... 

大家咪誤會呀！其實我唔係去廁所呀！係等中一派位結果！

等---真係幾慘，坐係學校禮堂，面容想寬鬆都唔得，鬆到一半鬆唔到一半，即係梗哂！到派到我個女時，果下真係空白一片，雖則胸有成竹，但意外既野話唔埋丫麻！陣間整個第二第三第四志願咪呢哂hea！所以都咪話....

而家定哂，希望其他有努力既學生都有理想派位啦~~~

happy ending~~~ 

果日行過電視側邊，突然！一度不知名強光直射眼球！我既一對明眸慘遭攻擊，待定過神來方知原來係電視裡面美艷model塊面作怪！因為美艷model塊面直頭白到反晒光，驟眼睇以為係個慳電膽！

廣告用電腦執靚model無可厚非既，不過太誇張就無人信架啦~~

有一個廣告既model塊面好似有3撻油添呀！